Babë e bir sulmohen me armë zjarri në afërsi të shtëpisë së tyre, në mes të fshatit. Sipas informatave që mblodhi ALSAT nga vendngjarja, njëri prej tyre ka mbetur i vdekur, ndërsa tjetri i plagosur rëndë.
Jozyrtarisht, mësohet se personat që kanë hapur zjarr ndaj babë e bir kanë qenë të njohur mes tyre. Nga dëshmitë e para, mësohet se ata janë sulmuar nga një audi në lëvizje.
Sipas policisë, personat janë identifikuar dhe janë vënë në ndjekje. Po punohet për zbardhjen e rastit, dhe dinamikës së saj. Sipas dyshimeve të para, pista kryesore mendohet të jetë borxh financiar, megjithatë, kjo nuk është e vetmja pistë hetimore, thonë burimet policore.
Nga policia konfirmuar rastin, duke theksuar se rreth orës 19:00, në Qendrën Emergjente “Nënë Tereza” është sjellë me armë zjarri S.A. dhe A.A. nga fshati Haraçinë. Sipas njoftimit, ata janë qëlluar me armë zjarri nga një veturë Audi”.
