Në platformën “Eksperienca” u publikua rrëfimi i sinqertë i hoxhës Omer Dauti, i cili me plot mall dhe emocione kujtoi vitet e adoleshencës dhe rrugëtimin e tij të hershëm drejt dijes.
Ai foli për ditët e para kur nisi shkollimin, për sfidat që e formësuan dhe për vendimin e madh që ndryshoi jetën e tij zgjedhjen për t’iu përkushtuar fesë dhe për të ndjekur rrugën e hoxhës. Në tregimin e tij, Omer Dauti nuk kurseu emocionet: kujtoi me dashuri momentet e rinisë, netët e gjata të studimeve, por edhe mbështetjen e njerëzve më të afërt që e shtynë të ndjekë ëndrrën e tij.
Historia e tij, e ndarë përmes “Eksperiencës”, është shembull frymëzimi për të rinjtë që kërkojnë të gjejnë veten dhe të ndërtojnë një të ardhme të mbështetur mbi vlera, përkushtim dhe dashuri për dijen.
