Zëvendëskryeministri Arben Fetai ka pritur në zyrën e tij Benjat Bakijin, të cilin e ka uruar personalisht për emërimin e tij si Drejtor i ri i Inspektoratit Shtetëror Komunal.
Përmes një postimi në Facebook, Fetai ka vlerësuar përvojën profesionale të Bakijit, duke theksuar angazhimin e tij të mëparshëm si udhëheqës sektori në Agjencinë për Kadastër të Patundshmërive.
“Jam i bindur se me përkushtim dhe integritet do ta udhëheqë Inspektoratin, me fokus të veçantë në përmirësimin e shërbimeve komunale në të gjithë vendin”, ka shkruar Fetai.
Në fund të mesazhit, zëvendëskryeministri i ka uruar sukses Bakijit në përgjegjësitë e reja, duke shtuar se sektori komunal është tashmë “në duar të afta”.
