Feti Abazi, kryetar i komunë së Bogovinës, ka njoftuar përmes rrjeteve sociale, se ditën e sotme ka filluar instalimi i WIFI-së falas, për qytetarët e komunës së Bogovinës, i bashkëfinancuar nga Bashkimi Europian dhe Gjermania.
POSTIMI I PLOTË:
“WiFi4WB Internet falas për qytetarët tanë!
Ka nisur sot instalimi i rrjetit Wi-Fi hotspot-eve falas në Komunën e Bogovinës, i realizuar në kuadër të projektit WiFi4WB – WiFi për Ballkanin Perëndimor.
Projekti është pjesë e iniciativës EU4Digital, i bashkëfinancuar nga Bashkimi Evropian dhe Qeveria e Gjermanisë, dhe mbulon instalimin, pajisjet dhe mirëmbajtjen e rrjetit Wi-Fi.
Në fazën e parë, qytetarët e vendbanimeve Bogovinë, Kamjan dhe Pirok së shpejti do të kenë mundësi të kyçen në qendrat e fshatrave të tyre!
Ky është edhe një investim i premtuar në programën tonë zhvillimore!”, ka shkruar, Abazi.
