Zëvendëskryeministri për Qeverisje të Mirë dhe eksponenti i koalicionit VLEN, Arben Fetai, ka uruar Feti Abazin për fitoren e tij në zgjedhjet në Komunën e Bogovinës.
Në një reagim publik, Fetai ka theksuar se rezultati i arritur nga Abazi është dëshmi e besimit që qytetarët e Bogovinës kanë ndaj një profesionisti të përkushtuar dhe të ndershëm.
“Bogovina foli qartë dhe i dha besimin një profesionisti që e di si zhvillohet institucioni dhe vendi. Fetiun e njeh puna, e njeh profesioni i tij si arkitekt dhe e njeh përkushtimi që ka për vendin e vet,” – ka shkruar Fetai.
Ai shtoi se fitorja e Abazit nuk është rastësi, por rezultat i karakterit, qetësisë dhe punës së tij të ndershme, duke falënderuar të gjithë aktivistët që qëndruan pas kandidaturës së tij.
“Rezultati i Fetiut është fitorja e tyre për një Bogovinë që VLEN,” – përfundon mesazhi i zv.kryeministrit Arben Fetai.
