Bujqit kanë kohë deri në fund të kësaj jave, pra më 15 gusht 2025, për të paraqitur kërkesat e tyre për pagesa direkte nga Programi për mbështetje financiare në bujqësi për vitin 2025.
Zëvendësministri i Bujqësisë, Albrim Hoxha, ka bërë thirrje që të gjithë fermerët ta shfrytëzojnë këtë mundësi dhe t’i dorëzojnë me kohë dokumentet pranë njësive rajonale të Ministrisë së Bujqësisë.
Sipas tij, pagesat direkte janë një formë e rëndësishme mbështetjeje për bujqit dhe ndihmojnë në zhvillimin e qëndrueshëm të sektorit bujqësor në vend.
