Kryetari i Komunës së Tetovës, Bilall Kasami, ka theksuar rëndësinë e rinisë në fitoren e ardhshme politike, duke e cilësuar si energjinë kryesore që do ta ndryshojë qytetin.
Në një takim me të rinjtë tetovarë, Kasami tha se është koha që “Kapitulli i Dytë i Tetovës” të shkruhet nga rinia dhe për rininë. Ai njoftoi se gjatë këtij organizimi, në mënyrë unanime, është zgjedhur Valon Zeqiri si Shef i Shtabit Rinor të VLEN-it në Tetovë.
“Valonit dhe ekipit të tij i dëshirojmë shumë sukses. Rini, shihemi nesër te shkolla ‘Liria’!”, shkroi Kasami.
