Kilian Mbape me shumë gjasa ka shansin e fundit për të fituar Ligën e Kampionëve me ngjyrat e PSZH-së. Parisianët zbresin në fushën e tyre, aty ku misioni “përmbysje” merr nota thelbësore, pas disfatës në transfertën e Gjermanisë. Komponenti që Dortmundi vjen nga një moment i mirë nuk e shqetëson aspak futbollistin francez. Në prononcimin pas një donacioni bamirësie, ai shprehet i bindur në kualifikimin e francezëve:
“Është normale të jemi në presion, pas rezultatit negativ në sfidën e parë. Por kjo nuk më shqetëson aspak. Ne kemi edhe 90 minuta të tjera për të luajtur dhe rezultati është i hapur. Duke njohur kualitetin e ekipit dhe urinë, besoj seriozisht se do arrijmë me sukses në finalen e Champions-it. Koha e duhur për të treguar veten, aq më tepër përpara mbështetësve tanë. Përsa i takon prezencës në Lojërat Olimpike, mbaj të njëjtin qëndrim. E kam ëndërruar që i vogël të jem pjesë e këtij kompeticioni dhe tashmë kamë shansin e artë për ta bërë realitet. Shpresoj se gjithçka do të shkojë mirë deri verë”, përfundoi Mbape.
Parisit i nevojitet fitore minimalisht dy gola kundër Dortmundit për të siguruar finalen e dytë në historinë e klubit.
