Pas rritjes së rrogës minimale në muajin mars, punonjësit e Postës së Maqedonisë së Veriut marrin një tjetër lajm të mirë. Drejtori i ndërmarrjes publike, Orhan Kurtishi, ka bërë të ditur se paga do të rritet me 1800 denarë për pjesën tjetër të stafit të Postës. “Fjalët po i kthejmë në vepra! Vazhdojmë me dinjitet e përkushtim, hap pas hapi, për të përmirësuar jetën e secilit punonjës”, ka theksuar Kurtishi.
Kjo rritje e re vjen si pjesë e angazhimit të vazhdueshëm për përmirësimin e kushteve të punës dhe motivimin e të punësuarve në këtë institucion me rëndësi të veçantë publike.
