Drejtori i Klinikës së Fëmijëve, Rexhep Memedi, ka shprehur mbështetjen e fuqishme për kandidatin e koalicionit VLEN për Komunën e Studeniçanit, Sedat Bislimi.
Në një postim, Memedi ka theksuar se aktivistët e sinqertë janë themeli më i shëndoshë i një organizimi politik, pa të cilët, siç u shpreh ai, nuk ka ngritje e as sukses.
“Karshiaka në vitin 2024 me votë bani ndryshimin që VLEN! Në zgjedhjet e tetorit 2025 do të vuloset ky vullnet për ndryshim në Komunën e Studeniçanit!”, ka shkruar Memedi.
Ai shtoi se kandidati Sedat Bislimi gëzon mbështetjen e gjerë të qytetarëve dhe se ky entuziazëm do të shndërrohet në fitore të sigurt për koalicionin VLEN në Studeniçan.
