Ministri i Shëndetësisë, Azir Aliu, vizitoi sot Shtëpinë e Shëndetit në Gostivar, ku u njoftua për aktivitetet përgatitore të projektit të zgjerimit dhe rikonstruksionit, i cili realizohet për herë të parë pas gati 50 vitesh.
Me këtë projekt, të gjitha shërbimet e shpërndara do të grumbullohen në një objekt të vetëm, përfshirë laboratorin biokimik, patronazhin, mjekësinë sportive, kontrollet sistematike dhe administratën. Ministri Aliu theksoi rëndësinë e jashtëzakonshme të këtij investimi për qytetarët e Gostivarit, për pacientët që marrin shërbime shëndetësore, si dhe për tërë personelin që punon në këtë institucion.
