Në një atmosferë tejet mbresëlënëse shënuam dhe festuam një nga shtyllat më të rëndësishme të identitetit tonë kombëtar – Alfabetin e Gjuhës Shqipe ne Manastir!
Kjo ditë na kujton sakrificën, vizionin dhe përkushtimin e rilindasve tanë, të cilët në Manastir vendosën themelet e gjuhës që na bashkon.
Është kënaqësi që këtë vit kremtimi mbahet në Pallatin e Kulturës në Manastir, me një program të pasur artistik dhe pjesëmarrjen e artistëve të çmuar nga vendi dhe rajoni.
Me respekt për të kaluarën dhe me përgjegjësi për të ardhmen, vazhdojmë të punojmë për promovimin dhe mbrojtjen e gjuhës sonë.
