Një grua 41-vjeçare nga fshati Siniçan i Tetovës, Komuna e Bogovinës, u plagos nga një ari dje pasdite. Rasti u raportua në SPB Tetovë nga Spitali Klinik i Tetovës, njoftoi policia, transmeton Portalb.mk.
Sipas informacioneve nga SPB Tetovë, dje rreth orës 18:00, Spitali Klinik i Tetovës raportoi se E. H. (41) nga fshati Siniçan ishte sjellë tek ata. Gruaja pësoi lëndime rreth orës 16:30 ndërsa po ecte përgjatë një rruge pyjore në vendin e quajtur “Golem rid” në zonën e fshatit Siniçan, kur u sulmua nga një ari.
Vitin e kaluar, pati disa sulme të raportuara nga arinjtë, dhe ato shpesh mund të shiheshin përgjatë rrugëve.
Rasti i fundit i raportuar ishte në shkurt të këtij viti, kur një adoleshent rreth 15 vjeç u ndoq për dy orë nga një ari në zonën e fshatit Krapa në komunën e Makedonski Brodit. Fëmija nuk u sulmua ose u plagos drejtpërdrejt nga ariu dhe arriti të shpëtonte, por ra ndërsa po ikte, kur po kthehej në shtëpi në fshat, me kopenë e deleve.
