Profesori universitar Bejtulla Emini ka shprehur publikisht vlerësimin e tij për kryetarin e Komunës së Tetovës, Bilall Kasami. Ai theksoi se edhe pse janë bashkëpartiakë, njohja e tij me Kasamin nuk lidhet me politikën, por me kohën e hershme të shkollës.
“E njoh që nga bankat e shkollës, si gjimnazist. Ka qenë nxënës i shkëlqyeshëm, student me mesatare të lartë dhe më pas doktor shkence. Të gjitha këto rezultate i ka arritur me punë dhe përkushtim,” tha profesori Emini.
Duke folur për karrierën politike të Kasamit, Emini vlerësoi drejtësinë dhe dinjitetin e tij në skenën publike. “Në politikë është i drejtë, dinjitoz dhe i suksesshëm. Tetovën e ka qeverisur ashtu siç i takon një doktori të shkencave,” u shpreh ai.
