Presidentja e Kosovës, Vjosa Osmani e ka pranuar sot çmimin M100 Media Award, çmim që u jepet personaliteteve që janë të përkushtuar për forcimin e demokracisë, sundimin e ligjit, lirisë së shprehjes dhe lirisë së shtypit dhe mbrojtjes së vlerave europiane.
Në fjalën e saj Osmani dha mesazhe kundër luftës e kundër diktaturës, derisa u shpreh se liderët duhet të sigurohen që fëmijët të mos i përjetojnë kurrë tmerret që gjeneratat e mëhershme i kanë përkujtuar.
“Falemnderit, cfarë nderi për popullin e Kosovës së pari… më vjen keq që s’mund ta therm fjalimin në gjermanisht. Të qëndrosh para jush dhe të shohësh kampionë të demokracisë është një nder një që më më përul thellësisht. Mbrëmë e lexova në një libër, ku shoshte “cdo gjeneratë e fëmijëve i ofron njerëzimit një mundësi të rë për rindërtimin e rrënojave në botë”. Më kujtoi që gjenerata e fëmijëve në Kosovë, është gjenerata e parë që do rritet pa luftë. Duhet të sigurohemi që kurrë mos ta dijnë cfarë do të thotë e kundërta e paqes, e demokracisë, të sigurohemi që të mos i kalojnë ato që i kemi kaluar ne”, tha ajo.
Ajo e falënderoi Gjermaninë që bashkë me NATO-n e mbështetën Kosovën dhe i dhanë fund regjimit gjenocidal të Millosheviqit.
