Radhë të gjata te automjeteve edhe në pikën e kalimit kufitar të Qafë Thanës, për shkak të fluksit në rritje të hyrjeve nga Maqedonia e Veriut në drejtim të vendit tonë.
Në kontrollet e përbashkëta, policia shqiptare, por edhe ajo maqedonase po punon me 5 sportele, 4 prej të cilave për mjetet e vogla, e në të shumtën e rasteve me procedurë të përshpejtuar.
Udhëtarët në radhë të gjata u shprehën se duhet të presin me orë në temperatura, të cilat shkojnë deri në 36 gradë celsius.
