Dialogu Kosovë-Serbi ka mbetur ‘pezull’ për një kohë të gjatë. Ka kohë që nuk janë takuar të dyja palët dhe ka kohë që nuk është arritur ndonjë marrëveshje të re.
Thirrjet nga ndërkombëtaret vazhdojnë, që dialogu të ecën përpara, megjithatë pritet në vazhdim rreth hapave të mëtutjeshëm.
Së fundi, shefja për Politikë të Jashtme e Bashkimit Evropian, Kaja Kallas ka thënë se, Bashkimi Evropian është i interesuar për normalizimin e marrëdhënieve mes Kosovës dhe Serbisë, qoftë përmes dialogut apo ndonjë instrumenti tjetër.
“Ndoshta është dialogu, ndoshta është një tjetër mjet. Jam e gatshme ta shqyrtoj këtë çështje, dhe do ta bëj këtë së bashku me Përfaqësuesin e Posaçëm në ditët në vijim”, ka deklaruar Kallas.
Deri më tani përpjekjet për normalizim Kosovë-Serbi janë bërë vetëm përmes dialogut, ndërkaq zyrtarja evropiane Kallas ka përmendur edhe mundësinë e një mjeti tjetër në këtë drejtim. Për çfarë mjeti tjetër për normalizimin e marrëdhënieve Kosovë-Serbi mund të jetë fjala?
Hoti: Nuk duhet harruar që Kosova është në pozicion më të dobët sesa Serbia, kjo për faktin se është nën sanksione të BE-së
Lidhur me këtë çështje, për ‘Bota sot’ kanë folur njohësit e çështjeve politike.
Kështu, analisti politik, Agron Hoti thekson se, vizita e Kaja Kallas në Ballkan Perëndimor në cilësinë e Shefes së BE-së për Politikë të Jashtme vjen në një kohë kur arritja e shpejtë e paqes mes Ukrainës dhe Rusisë nuk po duket në horizont, kur tensionet për tarifa tregtare mes BE-së dhe SHBA-së janë në ngritje, kur Dodik ikën në Rusi dhe kur problemi i Kosovës kërkon zgjidhje.
Dialogu Kosovë-Serbi ka mbetur ‘pezull’ për një kohë të gjatë. Ka kohë që nuk janë takuar të dyja palët dhe ka kohë që nuk është arritur ndonjë marrëveshje të re.
Thirrjet nga ndërkombëtaret vazhdojnë, që dialogu të ecën përpara, megjithatë pritet në vazhdim rreth hapave të mëtutjeshëm.
Së fundi, shefja për Politikë të Jashtme e Bashkimit Evropian, Kaja Kallas ka thënë se, Bashkimi Evropian është i interesuar për normalizimin e marrëdhënieve mes Kosovës dhe Serbisë, qoftë përmes dialogut apo ndonjë instrumenti tjetër.
“Ndoshta është dialogu, ndoshta është një tjetër mjet. Jam e gatshme ta shqyrtoj këtë çështje, dhe do ta bëj këtë së bashku me Përfaqësuesin e Posaçëm në ditët në vijim”, ka deklaruar Kallas.
Deri më tani përpjekjet për normalizim Kosovë-Serbi janë bërë vetëm përmes dialogut, ndërkaq zyrtarja evropiane Kallas ka përmendur edhe mundësinë e një mjeti tjetër në këtë drejtim. Për çfarë mjeti tjetër për normalizimin e marrëdhënieve Kosovë-Serbi mund të jetë fjala?
Hoti: Nuk duhet harruar që Kosova është në pozicion më të dobët sesa Serbia, kjo për faktin se është nën sanksione të BE-së
Lidhur me këtë çështje, për ‘Bota sot’ kanë folur njohësit e çështjeve politike.
Kështu, analisti politik, Agron Hoti thekson se, vizita e Kaja Kallas në Ballkan Perëndimor në cilësinë e Shefes së BE-së për Politikë të Jashtme vjen në një kohë kur arritja e shpejtë e paqes mes Ukrainës dhe Rusisë nuk po duket në horizont, kur tensionet për tarifa tregtare mes BE-së dhe SHBA-së janë në ngritje, kur Dodik ikën në Rusi dhe kur problemi i Kosovës kërkon zgjidhje.
“Ende nuk dihet se cila do të jetë alternativë e BE-së kundrejt dialogut të bllokuar mes Kosovës dhe Serbisë, por si duket BE njëherë është duke e skanuar gjendjen në rajon, për të vepruar pastaj konform saj”, vlerëson Hoti.
Ai kujton se, Kryeministri shqiptar, Edi Rama, në vitin 2023 e kishte përmendur si mundësi organizimin e një konference ndërkombëtare për Kosovën dhe Serbinë dhe për këtë kishte gjetur përkrahjen dhe të Presidentit të Këshillit Evropian, Charles Michel, i cili kishte kërkuar që konferenca të organizohej sa më shpejt. Mirëpo, që nga ajo kohë nuk është bërë asgjë në këtë drejtim.
“Një konferencë mes Kosovës dhe Serbisë do të mund të organizohej vetëm nëse palët do të ishin të gatshme t’i zbatonin marrëveshjet e arritura, mbi bazën e të cilave pastaj do të mund të arrihej kompromisi për zgjidhje afatgjatë të problemit Kosovë-Serbi, kuptohet kjo në këmbim të avancimit dhe përshpejtimit të rend-ditës evropiane tashmë të bllokuar dhe mbështetjes financiare si masë shtensionuese. Nuk duhet harruar që Kosova është në pozicion më të dobët sesa Serbia, kjo për faktin se është nën sanksione të BE-së, ndërkohë që si BE ashtu edhe SHBA janë duke tentuar ta afrojnë Serbinë kah Perëndimi e ta largojnë nga Rusia. Në këtë fazë është e vështirë të parashikohet se çfarë do të mund të jetë qasja e re e BE-së”, vlerëson analisti Hoti për ‘Bota sot’.
Kujtojmë se, shefja për Politikë të Jashtme e Bashkimit Evropian, Kaja Kallas, pritet ta vizitojë Ballkanin Perëndimor javën e ardhshme.
