Taravari sonte mbledh partinë në Tetovë, vendoset për të dal nga Qeveria
Ndryshimi i fundit 14:39 12 Maj, 2025
Arben Taravari sonte ne Tetovë me drejtuesit e partisë së tij do të vendosin për të dal nga Qeveria. Mbledhja është caktuar të mbahet në 19:00.
Vendimin për dalja nga Qeveria, Taravari e paralajmëroi ditë më parë në një deklaratë për gazetën LAJM, duke thënë se më mirë është që partia e tij të kalojë në opozitë për shkak të raporteve të rrënuara mes partnerëve brenda Qeverisë.
“Nuk kemi një qëndrim definitive, por besimi mes nesh aty në koalicionin qeverisës është në situatë të mjerueshme, duhet të takohem edhe me kryeministrin edhe njëherë se është korrekte të takohemi edhe një herë dhe besoj se Aleanca për Shqiptarët më mirë të jetë në opozitë dhe të mundohet të bëjë garë sa më të mirë, sa më të suksesshme, të organizohet nëpër shtabe, nëpër degët dhe të tentojë të fitojë sa më shumë komuna. Por, vendimin definitiv duhet ta sjelle kryesia e partisë”, tha Taravari për gazetën LAJM.
