Sot, më 22 Nëntor, shqiptarët kudo që ndodhen shënojnë Ditën e Alfabetit të Gjuhës Shqipe, një nga datat më të rëndësishme në historinë dhe kulturën tonë kombëtare.
Më 22 nëntor 1908, në Kongresin e Manastirit, delegatët shqiptarë vendosën për njësimin e alfabetit të gjuhës shqipe, duke hedhur një hap historik për zhvillimin e arsimit, kulturës dhe identitetit kombëtar.
Kjo ditë simbolizon përpjekjet, sakrificat dhe përkushtimin e atyre që punuan për ruajtjen dhe përhapjen e gjuhës shqipe.
Gjuha shqipe është pasuria jonë, identiteti ynë dhe trashëgimia që duhet t’ua përcjellim brezave që vijnë.

