Punonjësit e ndërmarrjes publike “Rrugicat dhe rrugët” ende nuk kanë marrë paga, për këtë arsye kanë paralajmëruar grevë të përgjithshme të hënën para Parlamentit. Nga Sindikata për Alsat thonë se kanë kërkuar përgjigje nga kryesia e ndërmarrjes, por deri më tani askush nuk u është përgjigjur kërkesave të tyre, kurse ende nuk kanë paga edhe pse afati ligjor është data 15 e muajit. Nga Sindikata thonë se nëse sot nuk ka paga, nesër do të thërrasin konferencë për media ku do të shpallin zyrtarisht grevën të hënën. Në grevën e përgjithshme ku qytetarët do të kërkojnë pagat e tyre, pritet të paraqiten me makineritë e tyre. /Alsat.mk
