Ministri i shëndetësisë, Arben Taravari që në mëngjes ka aritur në Selanik i shoqëruar nga mjeku Ilir Vela dhe Ministrin për punë të jashtme z. Timço Mucunski për të vizituar pacientët e shtrirë në Spitalet e atjeshme.
“Sot në orët e hershme të mëngjesit së bashku me Ministrin për punë të jashtme z. Timço Mucunski dhe me Dr. Ilir Velën erdhëm në Selanik për të parë gjendjen e pacientëve të shtruar këtu.
Sapo dal nga spitali “G. Papanikolaou General Hospital” dhe Spitali Ushtarak në Selanik, të 5 pacientët që janë shtruar në këto spitale janë për momentin stabil.
Falenderoj kolegët tanë të Selanikut, popullin dhe qeverinë greke për përkushtimin dhe ndihmën e tyre!
Do ju mbajmë të informuar për pacientët e tjerë!, ka përfunduar Taravari.