Haraçinë, 8 nëntor 2025 – Kryetari i Komunës së Haraçinës, Daut Beqiri, mirëpriti sot në një takim ish-kryetarin e Bashkisë së Përgjithshme të Bursës, z. Recep Altepe. Takimi u zhvillua me fokus në mundësitë e zhvillimit të komunës, duke përfshirë infrastrukturën, bashkëpunimin kulturor dhe arsimor, si dhe projekte të përbashkëta me komunat turke.
Z. Altepe ka një përvojë të gjatë në qeverisjen lokale, duke shërbyer dy mandate në Këshillin Metropoliten të Bursës dhe Bashkinë Yıldırım, si dhe në Asamblenë e Përgjithshme të BUSK. Ai ka kontribuar në komitetet e Buxhetit, Çështjeve Financiare dhe Transportit, duke sjellë zhvillim të dukshëm në zonat që ka drejtuar.
Kryetari Beqiri nënvizoi rëndësinë e këtij takimi dhe shprehu gatishmërinë për të thelluar bashkëpunimin në projekte që do të përmirësojnë jetën e banorëve të Haraçinës.
“Faleminderit për vizitën dhe mbështetjen, z. Altepe!”, u shpreh Beqiri.
