Me punë intensive në terren dhe masa konkrete, sot u vendos edhe një pompë e re për rritjen e kapaciteteve të furnizimit me ujë të pijshëm. Ky investim është pjesë e përpjekjeve të vazhdueshme për stabilizimin e rrjetit të ujësjellësit dhe përmirësimin e shërbimit për të gjithë banorët.
Nën drejtimin e Suad Alilit, ekipet e NPK “Mirëmbajtja” janë të angazhuara çdo ditë në sanimin e defekteve, përforcimin e infrastrukturës dhe realizimin e ndërhyrjeve të nevojshme, me qëllim që qytetarët e Strimnicës të kenë furnizim sa më të rregullt me ujë të pijshëm.
Puna vazhdon pa ndërprerje deri në normalizimin e plotë të gjendjes, ndërsa u bëhet thirrje qytetarëve që të përdorin ujin me përgjegjësi dhe të shmangin çdo keqpërdorim deri në stabilizimin e furnizimit.
Me punë, përkushtim dhe përgjegjësi, NPK “Mirëmbajtja” vazhdon të jetë në shërbim të qytetarëve.
