Katër persona janë privuar nga liria në Shkup gjatë natës së kaluar, pasi oficerët e policisë gjetën dhe konfiskuan marihuanë tek ata.
Nga Departamenti i Punëve të Brendshme Shkup informojnë se aksionet u kryen gjatë natës mes 26 dhe 27 gushtit, në disa lokacione të ndryshme në kryeqytet.
Në ndërhyrjet policore u arrestuan B.I. (29), A.L. (44) dhe një e mitur 16-vjeçare, të gjithë nga Shkupi, si dhe B.B. (35).
Gjatë veprimeve të ndërmarra, tek personat u gjet marihuanë, e cila u konfiskua nga oficerët e policisë.
Nga Ministria e Punëve të Brendshme për momentin nuk japin detaje shtesë për rrethanat në të cilat u gjet droga, as nëse personat ishin të lidhur mes tyre.
Rastet janë në fazën e dokumentimit, pas së cilës organet kompetente duhet të ndërmarrin veprime të mëtejshme dhe të paraqiten denoncime të përshtatshme.
Policia vazhdon aktivitetet e drejtuara drejt zbulimit dhe sanksionimit të rasteve të lidhura me tregtinë e paligjshme dhe posedimin e substancave narkotike.
