Ekipet policore mëngjesin e sotëm kanë kryer bastisje dhe kanë arrestuar anëtarë të grupit kriminal nga fshati Gërçec i Komunës së Sarajit, raporton MIA.
Sipas informatave të kësaj agjencie, bëhet fjalë për aksion policor ndaj anëtarëve të njohur si “Klani i Gërçecit”, që ndërlidhet me tregtinë me drogë dhe vrasje.
Bastisje përveç në Gërçec janë kryer edhe në lagjen e Duqanxhikut dhe në Çair.
Informata shtesë nga policia priten gjatë ditës, pas përfundimit të aksionit.
