Në kryeqytetin e Belgjikës, Bruksel, po mbahet Festivali i 22-të Ndërkombëtar i Luleve ku ekspozohen lloje të ndryshme të luleve ndërsa vizitorët mund t’i shohin llojet e reja të luleve, raporton Anadolu.
Ekspozita e luleve, e cila do të jetë e hapur deri më 2 maj dhe është ekspozuar në kështjellën Grand Bigard afër Brukselit, tërheq vizitorë të huaj dhe vendas.
Në parkun “Floralia Brussels” prej 14 hektarësh, ekspozohen shumë lloje lulesh si tulipanë, zymbylë dhe narcisë.
