Më 15.05.2026 në Qendrën Mjekësore në Gostivar u është ofruar ndihmë mjekësore dy shtetasve të Republikës së Indisë, të punësuar në një kompani ndërtimi. Personat kanë marrë lëndime të rënda gjatë kryerjes së detyrave të punës në trasenë në fshatin Banjicë. Më 14.05.2026 rreth orës 13:00, punëtori D.B. (36), për shkak të pakujdesisë me një makinë ndërtimi “launcher” ka lënduar dorën, ndërsa po atë ditë rreth orës 18:00, M.A. (37) gjatë zbritjes nga një makinë pune ka pësuar lëndime në këmbë. Është njoftuar Inspektorati i Punës dhe po merren masa për dokumentimin e ngjarjeve.
