“Sot realizuam një aksion të rëndësishëm për pastrimin e deponisë së egër në të dyja anët e rrjedhës së poshtme të lumit të Bogovinës. Për vite me radhë kjo hapësirë ka qenë e ndotur nga hedhja e pakontrolluar e materialeve të ndryshme, duke dëmtuar mjedisin dhe cilësinë e jetës sonë”, ka njoftuar, kreu i komunës së Bogovinës, Feti Abazi, në Facebook.
Tutje, ai ka shtuar se, prej sot e tutje, komuna për hudhësit e mbeturinave, do të ndërmerr masa ligjore.
“Nga sot, çdo hedhje e mbeturinave në këto hapësira NDALOHET RREPTËSISHT, për ata që nuk e respektojnë këtë ndalesë do të merren masa konkrete.
“I bëj thirrje të gjithë qytetarëve që të tregojnë përgjegjësi dhe të kontribuojnë në ruajtjen e ambientit tonë. Mjedisi i pastër është detyrë e përbashkët – ta mbrojmë sot për një të ardhme më të mirë për të gjithë.”, ka përfunduar, Abazi.
