Kryetari i Lëvizjes BESA, Bilall Kasami, në intervistën për Alsat M, ka komentuar ligjeratën që Bujar Osmani, ka zhviluar sot në Universitetin e Tetovës.
Për ironi tema e ligjeratës ishte rreth ikjes së të rinjëve. Kasami tha se të gjithë e dinë se BDI-ja kontriboi në ikjen e të rinjëve, dhe gjithë kjo bëhet për të arsyetuar vetvete.
“Është më shumë se ironike, për mos me qenë komike është tragjikomike, sepse BDI për 20 vite ka kontribuar që kjo rini të ikë rrugëve të Europës dhe sot të keqpërdorë një institucion kaq të lartë sic është Universiteti i Tetovës, për të larë vetveten, për të arsyetuar vetveten, për të tentuar të tregojnë se ata nuk janë fajtorë të kësaj, kur cdo qytetar, cdo i ri e din se fajtorë kryesor janë ata.
Unë kërkoj që gjithë institucionet në vecanti ata të arsimit të lartë, të kenë guximin dhe ti thonë jo BDI-se dhe gjithë atyre që ndoshta kanë interes dhe tentim për të keqpërdorë dhe përfituar në kampanjë zgjedhore.
Është obligim ligjor në fushatë zgjedhore mos të keqpërdoren institucionet”, tha Kasami.
