Kurti pyet opozitën: Beogradi nënshkruante me ju, po me mua jo. Aman më tregoni si ja keni bë ju!

Kryeministri i Kosovës Albin Kurti thotë se është i gatshëm t’a nënshkruaj marrëveshjen me Serbinë.

“Edhe njëherë po e ritheksoj, unë jam edhe i gatshëm për nënshkrim edhe i interesuar, Beogradi nuk po do të nënshkruaj me mua. Ka nënshkruar edhe me PDK edhe me LDK. Aman më tregon se si ja keni bërë që ta mësoj edhe unë? Dilni në foltore e më njoftoni sinqerisht e mundësisht edhe kolegialisht e vëllazërisht, si ja keni bërë që me juve nënshkruante? Mua po më ikë, nuk po nënshkruan, po shpallë zgjedhje. Në dialogun e juaj ai ishte konstant e në Kosovë mbaheshin zgjedhje, tash, unë jam konstant e në Serbi mbahen zgjedhjet”, është shprehur kryeministri Kurti.