👉 Në Kapitullin 29 – Bashkimi Doganor, për të cilin është përgjegjëse Drejtoria Doganore, theksohen veçanërisht:
➡️ Të ardhurat e përgjithshme të arkëtuara nga Drejtoria Doganore në vitin 2025, të cilat ishin 5,2 për qind më të larta krahasuar me vitin 2024, duke tejkaluar shumën prej 2,1 miliardë eurosh.
➡️ Sistemi gjithëpërfshirës i inteligjencës, i krijuar për të mbështetur hetimet dhe zbatimin e ligjit, si dhe sistemi i ri për menaxhimin e rrezikut dhe depozitimin e të dhënave. Pjesëmarrja në operacionet ndërkombëtare dhe shkëmbimi i informacioneve të inteligjencës. Kontrollet bazohen në analizën e rrezikut, të mbështetur nga informacionet e inteligjencës, të dhënat e marra para mbërritjes së mallrave dhe teknikat e selektivitetit.
➡️ Me mbështetjen financiare të BE-së, me qëllim forcimin e luftës kundër krimit të organizuar, kapacitetet e Sektorit për Kontroll dhe Hetime janë forcuar ndjeshëm përmes sigurimit të automjeteve të reja dhe pajisjeve mbrojtëse, si dhe pajisjeve IT për sallën e serverëve, duke përmirësuar kështu sigurinë informatike të operacioneve doganore.
➡️ Vazhdon zbatimi i Strategjisë për Integritet dhe Luftë kundër Korrupsionit për periudhën 2024–2027.
➡️ Digjitalizimi i mëtejshëm – Është siguruar mirëmbajtja dhe zhvillimi i mëtejshëm i sistemit të Mjedisit të Integruar Tarifor, si dhe ka filluar faza pilot e sistemeve për regjistrimin dhe identifikimin e operatorëve ekonomikë, për menaxhimin e unifikuar të përdoruesve dhe për nënshkrimin digjital EORI.
➡️ Legjislacioni doganor ka një shkallë të lartë të harmonizimit me legjislacionin e BE-së, ndërsa Tarifa Doganore për vitin 2026 është miratuar dhe harmonizuar me Nomenklaturën e Kombinuar të BE-së.
➡️ Ratifikimi i Protokolleve 5 dhe 6, përmes të cilave krijohet një kornizë për lehtësimin e tregtisë nëpërmjet bashkëpunimit doganor dhe liberalizimit të tregtisë së shërbimeve.
