Netflixi do të rrisë çmimet në një numër vendesh pasi ka shtuar afro 19 milionë abonentë në muajt e fundit të vitit 2024, shkruan BBC.
Kompania e transmetimit ka thënë se do të rrisë çmimet e abonimit në Shtetet e Bashkuara të Amerikës, Kanada, Argjentinë dhe Portugali.
“Ne do t’u kërkojmë herë pas here anëtarëve tanë të paguajnë pak më shumë në mënyrë që të mund të ri-investojmë për të përmirësuar më tej Netflix”, ka thënë kompania.
Netflixi njoftoi rritje të abonentëve më shumë seç kishte pritur, ndihmuar nga sezoni i dytë i dramës jugkoreane “Squid Game”, si dhe meçi midis influencuesit Jake Paul dhe ish-kampionit të botës në peshat e rënda, Mike Tyson – që u transmetua live në platformë.
Në SHBA, çmimet do të rriten në pothuajse të gjitha planet, duke përfshirë abonimin standard pa reklama, i cili tani do të kushtojë 17.99 dollarë në muaj, nga 15.49 dollarë.
Abonimi me reklama gjithashtu do të rritet, me një dollar në 7.99 dollarë.
Hera e fundit që Netflixi ngriti çmimet në SHBA ishte tetori i vitit 2023.
