Një tramvaj u përplas në një dyqan kompjuterash në qendër të Oslos, duke plagosur katër persona. Në momentin e aksidentit në tramvaj ndodheshin 20 pasagjerë.
Policia tha se ndërtesa katërkatëshe u evakuua për të hetuar dëmtimet strukturore.
Pamjet nga vendi i aksidentit tregojnë një pjesë të madhe të makinës së parë të tramvajit duke u futur në dyqan pasi doli nga shinat në një nga rrugët kryesore të Oslos.
“Po hetohen përmasat e aksidentit, por në dyqan ka dëme të shumta. Mes të plagosurve është edhe shoferi i tramvajit”, tha policia.
Për momentin nuk dihen shkaqet e aksidentit. Asnjë nga të plagosurit nuk është në gjendje të rëndë.
