Halil Snopçe, deri dje një nga kundërshtarët më të zëshëm të BDI-së, sot del në mbrojtje të Artan Grubit. Por pyetja është e thjeshtë: çfarë ka ndryshuar?
Si është e mundur që dikush që deri dje e sulmonte Grubin, sot jo vetëm që e mbron, por njëkohësisht edhe mediat pranë Grubit kanë filluar ta promovojnë Snopçen?
A mos është në pyetje ndonjë premtim i madh, ndonjë marrëveshje politike, apo edhe ndonjë interes financiar – “cash”? Apo po bëhen kalkulime për ndonjë pazar të ardhshëm, ndonjë pozitë apo ndonjë vend në listat e ardhshme të BDI-së?
Nuk po themi se këto janë fakte. Por kur ndryshimi është kaq i madh dhe promovimi kaq i sinkronizuar, pyetjet janë të pashmangshme.
Ky veprim ka zhgënjyer shumë aktivistë dhe njerëz që e kanë mbështetur ASH-në ndër vite. Për shumë prej tyre, ky nuk është thjesht një ndryshim qëndrimi — është një kthesë që mund t’i kushtojë shtrenjtë politikisht Snopçes.
Nga kundërshtar i BDI-së në mbrojtës të Grubit, e tani i promovuar nga mediat pranë tij.
Nëse ky është kalkulimi i tij politik, shumëkush tashmë po e sheh si fillimin e fundit të tij politik
