Pas përleshjeve dhe zënkave në Strugë, përçarja mes oponentëve të Frontit Europian ka vazhduar edhe në degën e Gostivarit.
Derisa në Strugë, përplasje ka pasur mes mbështetësve të BDI-së dhe Ziadin Selës, në Gostivar, përleshje fizike ka ndodhur mes Nevzat Bejta i cili është nënkryetar i BDI-së dhe Valdet Xhaferit i cili është kryetar i degës së BDI-së në Gostovar.
Siç mësohet, Nevzat Bejta dhe Valdet Xhaferi fillimisht kanë pasur një përplasje verbale e cila më pas ka eskaluar dhe Bejta e ka goditur me shuplakë, Xhaferin.
Përplasjet në BDI filluan pas kolicionimit të kësaj partie me PDSH-në, Ziadin Selën, dhe shumë parti tjera të sapoformuara, ndërsa arssye e sherreve janë pozitat dhe hapësira politike e cila është tepër e ngushtuar për shkak të numrit të madh të partive në koalicion.
