Google po teston një veçori të re verifikimi në rezultatet e kërkimit që duhet ta bëjë më të lehtë për përdoruesit të shmangin klikimin në faqet e rreme. Disa përdorues tashmë po shohin shenjën dalluese blu pranë faqeve të kompanive si Meta apo Apple dhe pritet të shihet nga të gjithë së shpejti.
“Ne eksperimentojmë rregullisht me veçori që i ndihmojnë klientët të identifikojnë bizneset e besuara në internet dhe aktualisht po kryejmë një eksperiment të vogël të shfaqjes së etiketave verifikuese për bizneset e zgjedhura të Google,” konfirmoi zëdhënësja e Google, Molly Shaheen.
Kur përdoruesi rri pezull mbi shenjën, do të shfaqet një mesazh që shpjegon se Google beson se është një faqe e vërtetë e kompanisë. Sipas Shahinit, verifikimi do të bëhet nëpërmjet të dhënave të “Merchan Center” dhe rishikimeve manuale në vetë “Google”.
Megjithatë, njoftimi thekson gjithashtu se Google nuk mund të garantojë plotësisht besueshmërinë e kompanisë ose produkteve të saj.
