Ministri i Shëndetësisë, Arben Taravari, ka falënderuar të gjithë punëtorët shëndetësor të cilët kanë treguar gatishmërinë për menaxhimin e situatës me tragjedinë në Koçan.
Ministri Taravari ka falënderuar publikisht gjithashtu edhe ministrat e Shëndetësisë nga rajoni dhe më gjerë të cilët kanë ofruar ndihmë të parezervë.
“Më lejoni të falënderoj kolegët nga rajoni dhe me gjerë për gatishmërinë e treguar për t’i ofruar ndihmë vendit tonë dhe për t’i pranuar pacientët për të vazhduar trajtimin mjekësor në vendet mike. Nga ku për momentin kemi nisur 13 pacient dhe shpresoj që atje do të marrin trajtimin e duhur, ndërsa pjesa tjetër do të vazhdojë trajtimin në këtë vend”, deklaroi Taravari.
