Me ardhjen e verës, shumë e kanë problemin se ku dhe si t’i ruajnë gomat e dimrit.
Njerëzit shpesh i ruajnë gomat e tyre jashtë, sepse nuk kanë vend në garazh apo bodrum.
Ruajtja e duhur e gomave të dimrit është shumë e rëndësishme. Nëse keni goma në fellne, ato duhet të varen në mur ose të vendosen njëra mbi tjetrën, sipas këshillës së Shoqatës norvegjeze të Importuesve të Gomave.
Kjo do të parandalojë që gomat të shpërthejnë. Tre gjëra kontribuojnë shumë në përkeqësimin e vetive të gomave: nxehtësia, drita dhe lagështia. Prandaj, muri i garazhit është ndoshta vendi më pak i përshtatshëm.
Temperatura është një nga faktorët më të rëndësishëm. Nëse ruhen për një kohë të gjatë në një temperaturë të lartë, mbi 25 gradë, gomat do të thahen dhe do të plasariten, dhe në një garazh të paizoluar temperatura të tilla, nëse jo më shumë, regjistrohen shpesh gjatë verës.
Temperatura më e mirë për gomën është 10-15 gradë. Po kështu, rrezet e forta të diellit ose dritat e llambës që lëshojnë shumë rrezatim ultra vjollcë janë gjithashtu të dëmshme për gomat.
Kjo do të thotë që goma ‘plaket’ më shpejt, bëhet më e fortë dhe humb vetitë e saj më shpejt se që duhet.
