Në kuadër të Sesionit të 65-të të Asamblesë së Përgjithshme të PABSEC që po mbahet në Baku, Azerbajxhan, Kryeparlamentari Afrim Gashi, ka zhvilluar një takim të rëndësishëm me Natalia Kiselova, Kryetare e Kuvendit të Bullgarisë.
Përmes një postimi në Facebook, Gashi njoftoi se bashkë me homologen bullgare diskutuan për çështje të rëndësishme që lidhen me Ballkanin, dialogun dhe bashkëpunimin rajonal.
“Jemi gjithmonë për dialog, bashkëpunim dhe politika të fqinjësisë së mirë”, ka theksuar Gashi, duke lënë të kuptohet se edhe në skenën ndërkombëtare mbetet i përkushtuar ndaj forcimit të marrëdhënieve me vendet fqinje dhe stabilitetit në rajon.
