Reagimi i komunës së Kumanovës për rastin e ndeshjes sportive. Dënojmë rastin dhe kërkojmë nga autoeitetet që të ndërmarrin masa për zbardhjen e tij. Është rasti i rrallë kur qeveria, autoritetet komunale dhe përgjegjëse reagojnë njëzëri kundër këtyre dukurive që nuk kanë vend në sport.
KOMUNIKATË PËR OPINIONIN
Në terrenet sportive nuk ka dhe nuk guxon të ketë vend për përhapjen e nacionalizmit apo nxitjen e mosdurimit ndëretnik.
Dje, në Kumanovë u hap zyrtarisht salla e rikonstruktuar sportive, me zhvillimin e një ndeshjeje midis ekipit kombëtar të basketbollit të Maqedonisë dhe ekipit kombëtar të Rumanisë.
Organizator i ngjarjes ishte Federata e Basketbollit e Maqedonisë, ndërsa nikoqir i saj Komuna e Kumanovës.
Ngjarja u zhvillua në një atmosferë pozitive dhe ishte një pamje e bukur, e rrallë në sportin maqedonas.
Fatkeqësisht, një ditë më vonë u konstatua se gjatë ndeshjes, në një moment të caktuar, disa individë nga publiku hodhën thirrje të papranueshme që nxisnin mosdurim etnik, gjë që bie ndesh me vlerat multietnike mbi të cilat bazohet Komuna jonë.
Me këtë rast, Komuna e Kumanovës, në cilësinë e nikoqirit të ngjarjes, i dënon publikisht këto veprime dhe distancohet plotësisht prej tyre.
Kumanova ka qenë dhe do të mbetet qytet i të gjithë banorëve të saj, pa dallim përkatësie etnike, ndërsa sporti dhe kultura do të vazhdojnë të shërbejnë si ura bashkimi mes qytetarëve, ashtu si deri më tani.
Kabineti i Kryetarit të Komunës së Kumanovës
Reagon Komuna e Kumanovës: I dënojmë publikisht këto veprime dhe distancohemi prej tyre
