Takimet e opozitës shqiptare me kongresmenin amerikan Keith Self, i njohur për deklaratat e tij kontroverse dhe qëndrimet e ashpra kundër islamit dhe sheriatit, hapin shumë pikëpyetje mbi strategjinë që po ndjek opozita shqiptare për rikthim në pushtet.
Në mungesë të mbështetjes reale qytetare, opozita po tenton të ndërtojë agjendë politike përmes figurave të jashtme kontroverse, duke instrumentalizuar edhe të ashtuquajturat lëvizje studentore për të krijuar narrativë krize dhe pasigurie.
Ironike mbetet fakti që në emër të “mbrojtjes së shqiptarëve”, kërkohet mbështetje nga politikanë që publikisht kanë demonizuar islamin dhe kanë promovuar retorikë përçarëse ndaj komuniteteve myslimane.
