Policia në Gjevgjeli dje arrestoi një shtetas malazez i cili u kap duke drejtuar makinën me shpejtësi prej 205 kilometrash në orë në një autostradë.
“Me datë 13.07.2026 në ora 11:09 në magjistralen A1, në afërsi të fshatit Miletkovë, Gjevgjeli, zyrtarë policorë të KSH Strumicë-KSH Gjevgjeli kanë arrestuar shtetasin malazez D.B.(36)”, njofton policia.
Në pjesën ku ai u ndalua, shpejtësia maksimale e lejuar është 120 kilometra në orë, thuhet në deklaratë.
Një prokuror publik nga Prokuroria Themelore Publike e Gjevgjelisë është njoftuar për rastin dhe kundër shoferit janë ngritur padi përkatëse.
