Gjendja e krizës energjetike do të vazhdohet edhe për gjashtë muaj, pra deri në prill, njoftoi kryeministri Hristijan Mickoski.
Duke u përgjigjur një pyetjeje gazetari nëse do të ketë vazhdim të masave pas skadimit të afateve aktuale, Mickoski theksoi se Qeveria planifikon të vazhdojë gjendjen kritike, pavarësisht njoftimeve për një deeskalim të mundshëm të situatës.
Gjendjen kritike do ta vazhdojmë edhe gjashtë muaj, mendoj deri në prill. I dhëntë Zoti të vijë deri te deeskalimi dhe qetësimi i situatës, që të mund ta ndërpresim gjendjen kritike edhe para skadimit të atij afati, deklaroi Mickoski.
Ai shtoi se, nëse vjen deri te qetësimi i situatës, ekziston mundësia që gjendja kritike të ndërpritet më herët.
