ME ARDHJEN E VJESHTËS, PËRGATITEMI PËR RIGJENERIMIN E ZONAVE PYJORE
Bashkëpunimi ndërmjet IP Parku Kombëtar Mali Sharr dhe PURE PROMISE vazhdon me një aktivitet të ri dhe të rëndësishëm për rigjenerimin e ekosistemeve pyjore të Malit Sharr.
Pas bashkëpunimit të suksesshëm deri më tani, është nënshkruar një marrëveshje e re donacioni, e cila parasheh pyllëzimin e 12 hektarëve me gjithsej 30.000 fidanë, përkatësisht 2.500 fidanë për hektar.
Veçanërisht e rëndësishme është se bashkëpunimi nuk përfundon me mbjelljen. Është paraparë edhe mirëmbajtja dyvjeçare e sipërfaqeve të pyllëzuara, me qëllim që të sigurohet pranimi sa më i mirë i fidanëve, zhvillimi i tyre dhe suksesi afatgjatë i pyllëzimit.
Për Parkun Kombëtar, ripërtëritja e pyjeve nuk nënkupton vetëm mbjelljen e pemëve. Ajo është një proces afatgjatë i rigjenerimit të habitateve, përmirësimit të gjendjes së ekosistemeve pyjore dhe rritjes së qëndrueshmërisë së tyre.
Falënderojmë PURE PROMISE për vazhdimin e mbështetjes dhe për investimin, së bashku me ne, në aktivitete konkrete, rezultatet e të cilave do të mbeten të dukshme shumë më gjatë se një sezon.
Vjeshta është koha për mbjellje. Ne po përgatitemi – 12 hektarë të rinj pyje dhe 30.000 fidanë të rinj për Malin Sharr.
