Sot në ambientet e Parkut Kombëtar Mali Sharr, pata kënaqësinë të mirëpres në një takim të veçantë drejtorin e Drejtorisë së Farërave dhe Materialit Mbjellës, mikun tim të çmuar, z. Ali Alili.
Takimi ynë, përtej dimensionit të tij miqësor, ishte një mundësi e rëndësishme për të zhvilluar një bisedë të hapur dhe konstruktive mbi mundësitë e bashkëpunimit ndërinstitucional në funksion të interesave të përbashkëta dhe të vlerave që të dy institucionet tona përfaqësojnë.
Shkëmbyem ide dhe përvoja dhe shqyrtuam mundësi konkrete për iniciativa e projekte të përbashkëta, veçanërisht në fushat që lidhen me ruajtjen dhe pasurimin e fondit natyror, mbrojtjen e biodiversitetit, përdorimin e qëndrueshëm të burimeve dhe krijimin e praktikave që i shërbejnë natyrës dhe komunitetit.
Uroj që ky takim të shënojë fillimin e një bashkëpunimi të frytshëm, të qëndrueshëm dhe me rezultate konkrete — një bashkëpunim që do t’i shërbejë natyrës, institucioneve tona dhe mbi të gjitha, brezave që do të vijnë.
