Liderja e partisë së ekstremit të djathtë Alternativa për Gjermaninë (AfD), Alice Ëeidel, duket se ka festuar me moszgjidhjen e Friedrich Merzit si kancelar, në rundin e parë të votimit, ndërsa ka bërë thirrje për zgjedhje të reja.
“Merz duhet të tërhiqet dhe rruga duhet të lirohet për mbajtjen e zgjedhjeve të përgjithshme”, ka thënë ajo para gazetarëve, duke e cilësuar rezultatin e sotëm si një “ditë të mirë për Gjermaninë”.
Zyra Federale për Mbrojtjen e Kushtetutës në Gjermani ka vendosur ta shpallë partinë AfD si një organizatë të konfirmuar e ekstremit të djathtë.
AfD-ja akuzohet se mban qëndrime të hapura pro-ruse dhe se gjithashtu kundërshton zgjerimin e Bashkimit Evropian.
Në zgjedhjet e fundit parlamentare AfD-ja doli e dyta duke marrë numrin më të lartë të votave në historinë e saj. Pas zgjedhjeve, AfD-ja madje ka kryesuar në disa anketa.
