Aktivi i VLEN-it ka marrë pjesë në Konferencën V Mbarëkombëtare, Rajonale dhe Ndërkombëtare, të mbajtur në Vlorë, me temë “Imazhi i grave dhe vajzave shqiptare: vlerë, lidership dhe ndikim drejt bashkimit evropian”.
Në këtë aktivitet morën pjesë deputetet e VLEN-it, Merita Koxhaxhiku dhe Kaltrina Beqiri, si dhe anëtaret e VLEN-it, Gzime Bakiu dhe Sara Vrenezi.
Konferenca shërbeu si hapësirë për bashkëbisedim, shkëmbim përvojash dhe diskutim mbi rolin dhe fuqizimin e grave shqiptare në jetën publike, si dhe kontributin e tyre në proceset e integrimit evropian.
Pjesëmarrëset nga VLEN-i vlerësuan rëndësinë e bashkëpunimit dhe rrjetëzimit të grave shqiptare nga trojet shqiptare, duke theksuar se shkëmbimi i përvojave dhe mbështetja e ndërsjellë krijojnë mundësi të reja për angazhim dhe zhvillim.
Konferenca u organizua nga Aleanca Kombëtare e Këshilltareve Bashkiake të Shqipërisë (AKKB), nën drejtimin e kryetares Alta Azizi-Haluci.
