Sot pata nderin të marr pjesë në Konferencën Ndërkombëtare të Sigurisë “Skopje Security Conference 2026”, të organizuar nga Qendra për Studime të Sigurisë (CSS-Skopje), me temë: “Siguria në Tranzicion: Lundrimi ndërmjet Teknologjisë, Gjeopolitikës dhe Qëndrueshmërisë në një Botë në Ndryshim”.
Konferenca mblodhi përfaqësues të institucioneve shtetërore, ekspertë të sigurisë, akademikë dhe politikëbërës, të cilët diskutuan mbi sfidat dhe trendet më të reja në fushën e sigurisë, duke përfshirë inteligjencën artificiale, sigurinë kibernetike, zhvillimet gjeopolitike, sigurinë ekonomike dhe ndikimin e ndryshimeve klimatike.
Pjesëmarrja në këtë aktivitet paraqet një mundësi të vlefshme për zgjerimin e njohurive profesionale, shkëmbimin e përvojave me ekspertë vendorë dhe ndërkombëtarë, si dhe njohjen me qasje moderne për përballimin e sfidave të sigurisë në nivel rajonal dhe global.
