Publikohet lista e Shangait për renditjen e Universiteteve në botë në vitin 2024. Edhe këtë vit asnjë institucion i arsimit të lartë nga Maqedonia e Veriut nuk u gjet në renditje. Në krye të listës janë universiteti i Harvardit, Stenfordi, MIT, Kembrixhi dhe Bërkli.
Nga vendet e rajonit universiteti i Beogradit u gjet në pozitën mes vendit 401 dhe 500, ndërsa shënon rënie krahasuar me vitin e kaluar kur ishte ne pozitën 301-400. Ndërkohë universiteti I Novi Sadit ndodhet në pozitën 901 dhe 1.000. Në renditje u gjet edhe Universiteti I Zagrebit dhe Universiteti i Lublanës. Këtë vit në renditjen e Shangait janë 6 Universitete greke.
Ndërsa përveç Maqedonisë së Veriut në renditje nuk ka asnjë universitet edhe nga Shqipëria dhe Bullgaria. Lista e Shangait publikohet që nga viti 2003, ndërsa më shumë se 2 500 universitete janë të përfshira në rangimin akademik të universiteteve çdo vit, ndërsa publikohen 1 mijë më të mirat. /Alsat.mk
