Rruga Tetovë – Prizren. Ajo që është e qartë deri më tani është se punimet nga Republika e Maqedonisë së Veriut dhe e Kosovës nuk kanë ecur me tempon e njejtë. Gjegjësisht Kosova është shumë më para.
RMV-ja e ka kryer detyrën projektuese, ndërsa pret shpalljen e tenderit. Kjo diferencë e ecjes së punimeve sipas zëvendës ministres së Transportit, Kaltrina Zekollit, është për shkak se Qeveria e kaluar nuk ka punuar asgjë mbi këtë projekt.
Kaltrina Zekolli Shaqiri, zv/ ministre e Transportit
“Nuk është dinamika e njejtë pasiqë te ne nuk është punuar aspak dhe ne siç e përmenda startuam qysh nga jetësimi i asaj kontrate, krijimi i i grupit punues, njoftimi me ta, ndarja e detyrave, detyra projektuese është bërë nga ne, shkoi në Kosovë për miratim. Ata kishin disa cikle zgjedhore edhe ajo na mori kohë, stagnoi. Tash në buxhet janë të parapara mjetet për projektin final, po presim të hapet tenderimi”.
Se po pret shpalljen e tenderit nga Qeveria jonë, e përmendi edhe kryeministri i Kosovës Albin Kurti, gjatë qëndrimit të tij më 9 Maj në Shkup.
